Link açıqlığı

Saatnıñ esas haberi

Qırımda 86 insan siyasiy ya da diniy sebeplerden azatlıqtan marum etildi – aq qorçalayıcılar


Aqmescit SİZOsı
Aqmescit SİZOsı

Bu sene mayıs ayına qadar Rusiye işğal etken Qırımda 86 insan siyasiy ya da diniy taqip çerçivesinde azatlıqtan marum etildi. Bu aqta Qırım aq qorçalayıcı gruppasınıñ yañı cedvelinde aytıla.

Aq qorçalayıcılarnıñ malümatına köre, 55 insan Rusiyede yasaqlanğan «Hizb ut-Tahrir» teşkilâtı ile alâqaları bar olğanından tutuldı, 13 insan «ukrain diversantları» davalarınıñ» mabüsi ola, 3 kişi – «Sentsov davasınıñ» mabüsi, bir insan «Tebliğ Cemaatı» diniy teşkilâtınıñ azası olğanında qabaatlanıp azatlıqtan marum etildi, 9 insanğa qarşı cinaiy dava açıldı, 3 kişi «Noman Çelebicihan batalyonına» alâqası bar olğanından, 2 kişi Euromaydan iştirakçisi olğanından taqip etilmekte.

Rusiye Qırımnı işğal etken soñ FSB yarımadada tintüv, sorğularnı muntazam sürette keçire, jurnalist, faal, cemaat erbapları tutula. Aq qorçalayıcıları bunı farqlı fikirlernen küreş dep adlandıra.

XS
SM
MD
LG