Bugünge qadar Qırımda 1500-ge yaqın meskün yerden 70-niñ eski tarihiy adı qaytarıldı, dep haber etti Qırımtatar resurs merkeziniñ başı Eskender Bariyev.
Onıñ sözlerine köre, bu 2023 senesi yazda quvetini alğan qanun sayesinde olğan.
Qayd etilgeni kibi, vesiqa büyük cenkten evel Ukrayinada başlanğan dekolonizatsiya esnasına uquqiy aq bergen.
Bariyev Krasnogravadeysk qasabasına tarihiy adı Qurman qaytarılğanını misal olaraq misal olaraq ketirdi.
"Endiden soñ resmiy vesiqalarda tam bu adlar qulanılmaq kerek", - dep bildirdi o.
Evel Ukrayina Reintegratsiya nazirliginde işğal etilgen Qırımdaki cografik adlar qırımtatar tilindeki tarihiy adlarına qaytarılacaq, dep bildirdiler.
Aprelniñ başında Ukrayina Milliy telükesizlik şurasınıñ kâtibi Oleksiy Danılov"Qırımnıñ işğalden azat etilmesi içün 12 adım" adlı yazını yayınlağan edi. Teklifler arasında "rus şerefi şeeri"niñ " "Obyekt № 6" olaraq yañıdan adlandırılması da bar.
Bundan ğayrı Danılov Qırımda "Rusiye arbiy gemisi siktir ket" abidesini tiklemege, 2014 senesinden soñ Qırımğa kelgen RF vatandaşlarını andan sürgün etmege ve Qırım köprüni sökmege teklif etken edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
