Qırımda 7280 insannıñ koronavirus tedqiqi yapıldı, soñki künde 385 insannıñ tedqiqi yapıldı. Bu aqta Qırımdaki Rospotrebnadzor idaresi haber ete.
«Cumhuriyetniñ bala klinik hastahanesiniñ» laboratoriyasında 564 insannıñ talilleri alındı.
Aprelniñ 19-na qadar yarımadada 61 koronavirus hastası qayd etildi – 45-i Qırımda ve 16-sı Aqyarda qayd etildi.
Aprelniñ 30-na qadar Qırımda bir çoq müessise ve teşkilâtnıñ faaliyetini toqtatqan ve vatandaşlarnı izolâtsiyağa mecbur etken yüksek seviyeli azırlıq rejimi bar.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
