İşğal etilgen Qırımda 50-den çoq faal Rusiye quvetçilerinden iyünniñ 26-nda qayd etilgen Qırımtatar Bayrağı künü ile bağlı "qanunlarnıñ bozulmasına yol berilmezligi" aqqında tenbi vasiqasını aldı. Bunı "QırımSOS" aq qoruyıcı teşkilâtınıñ talilcisi Yevgen Yaroşenko haber etti.
"Qırımtatar Bayrağı künü arfesinde işğalciler qırımtatar faallerine "ruhsetsiz tedbirlerniñ" keçirilmesiniñ yasağı ile bağlı kütleviy şekilde tenbi vesiqalarını bere. Bu kibi tenbi vesiqaları tınç toplaşmaq azatlığınıñ bozulması kibi qıymetlendirile bilir", - dedi Yaroşenko.
O, Rusiye quvetçileri bu kibi tenbi vesiqalarını muntazam tarzda darqatqanlarını da qayd etti.
"2014 senesinden başlap işğalciler bayram ve yıldönümler arfesinde fallerge muntazam tarzda tenbi vesiqalarını bereler. Bu kibi allar Mayısnıñ 18-i (Qırımtatar halqınıñ sürgüni qurbanlarınıñ añma künü), fevrlniñ 23-ü (Noman Çelebecihannıñ añma künü), fevralniñ 26-sı (Qırımnıñ işğaline qarşı tirenüv künü), iyünniñ 26-ı (Bayraq künü) ve avgustnıñ 24-ü (Ukrayina mustaqilligi künü) arfesinde qayd etilgen edi", - dedi o.
Evel, Qırımlı advokat Emine Avamileva Rusiyeniñ nezareti altında olğan Qırım prokuraturasından iyünniñ 26-nda qayd etilgen Qırımtatar Bayrağı künü ile bağlı "qanunlarnıñ bozulmasına yol berilmezligi" aqqında tenbi vasiqasını alğan edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
