Qırımda furtuna Havfı vaqtında 47 meskün yer elektriksiz qaldı, 22-si – qısmen.
«Krımenergo» müessisesiniñ haber etkenine köre, fevralniñ 22-23-nde energetikler 6-10 kV kerginlik sınıflarınıñ 35 elektrik ağınıñ işini ğayrıdan tikledi.
Yaramay ava aqibetlerini yoq etmek içün «Krımenergonıñ» 27 taqımı çalıştı. Elektrik ağlarınıñ işi 30 daqqa 2 saat içinde ğayrıdan tiklendi.
«Krımenergo» müessisesiniñ bildirgenine köre, fevralniñ 22-nde Qırımğa kelgen suvuq tsiklon suvuq ava, qarğa keçken küçlü yağmur, küçlü yağanaqlar ve saniyede 25 metrge qadar yel, qar boranı, buzlavuq ve elektrik ağları içün pek telükeli klegey buz qatlamlarını ketirdi.
Qırımda bazarertesi künü, fevralniñ 25-nde, bulutlı ava, buzlavuq ve küçlü ğarbiy yel olacaq, dep bildirdi yarımadanıñ gidrometmerkezi.
Qırım qurtarıcılarınıñ malümatına köre, yarımadada küçlü ğarbiy yel sebebinden fevqulâde vaziyetler peyda ola bile.
Yarımadağa skandinav tsiklonı kele, dep haber etilgen edi. Ava bozuldı, yağmur, qar ve har boranı başladı.
