Rusiye akimiyeti 4200-den ziyade areketli ve taşınmaz mülkiyet obyektini devletleştirdi, dep bildirdi Qırımnıñ Rusiye kontrolindeki parlamentiniñ reisi Vladimir Konstantinov.
"Soñki yılları Qırımnıñ mülkiyetine Rusiyege qarşı duşman areketlerini yapqan 410-dan ziyade vatandaş ve devletniñ mal-mülki keçti, 4200-den ziyade köçme ve taşınmaz mal-mülk obyekti devletleştirildi", — dep yazdı Konstantinov öz telegram-kanalında.
2014 senesi Qırım Rusiye tarafından ilhaq etilgen soñ, regionnıñ Rusiye akimiyeti ukrayin devlet ve şahsiy saiplerine ait mal-mülkniñ devletleştirilüvini bir qaç kere keçirgen edi.
Birinci büyük basamağı 2014 senesi oldı, Qırımnıñ Rusiye akimiyeti evel ukrayin devletine ait olğan ukrayin şirketleri, bankları, şifahane ve taşınmaz mallarnı "milliyleştirdi". Olarnıñ arasında, meselâ, "Çernomorneftegaz", "Massandra" bar edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
