Qullanıcı sepetine kirgen aş mallarınıñ fiyatı 2020 senesiniñ ekinci üç ayında, birinci kvartalğa baqqanda, 47,1%-ğa arttı. Bu aqta Rusiye kontrolindeki Qırım ükümetiniñ matbuat hızmeti bildirdi.
Akimiyetniñ malümatına köre, eñ çoq soğan – 47,1%-ğa, qarton – 31,8%-ğa, havuç – 24,1%-ğa, qapusta – 15,5%-ğa, alma – 31,1%-ğa, portaqal – 23,5%-ğa, yüzüm – 10,6%-ğa paalılaştı. Qaraboğday fiyatları da arttı – 20,5%-ğa, pirniç – 11,7%-ğa, toz şeker – 10,8%-ğa ve muzlar – 11,4%-ğa.
Derc etilgen malümatqa köre, Qırımda azğariy seviye 611 rublege (230 ğrıvnâ) 10 998 rublege qadar (4154 ğrıvnâ), çalışa bilgen eali içün – 11 753 ruble (4439 ğrıvnâ), pensionerler içün – 8 971 ruble (3388 ğrıvnâ), balalar içün – 11 682 ruble (4412 ğrıvnâ) arttırıldı.
Kreml kontrolindeki Qırım yolbaşçısı Sergey Aksenov, yarımadada paalı mallarnı şikâyet eteler, dep bildirgen edi.
Daa evel berilgen malümatqa köre, koronavirusqa baqmadan, Rusiye kontrolindeki Aqmescit akimiyeti avgustnıñ 8-nden sentâbrniñ 30-na qadar keniş köy hocalıq yarmalığını keçirmege planlaştıra. Bu malümat Aqmescitniñ Rusiye memuriyeti saytında derc etildi.
