Cumaertesi künü, avgustnıñ 29-nda, Qırımda 33 derecege qadar sıcaq olacaq, yağanaqlar yağmaycaq. Bu aqta yerli Gidromettsentr bildirdi.
Aqmescitte az bulutlı ava olacaq. Yağanaqlar yağmaycaq. Şarqiy yel saniyede 7-12 metr olacaq. Gece ava arareti 13…15°, kündüz 31…33° olacaq.
Aqyarda az bulutlı ava olması tahmin etile. Yağanaqlar yağmaycaq. Gece şarqiy yel, kündüz ğarbiy yel saniyede 5-10 metr olacaq. Ava arareti gece 16…18°, kündüz 26…28° olacaq.
Qırımnıñ cenübiy yalısında az bulutlı ava olması beklenile. Yağanaqlar yağmaycaq. Şarqiy yel saniyede 7-12 metr olacaq. Gece ava arareti 20…22°, kündüz 28…30° olacaq.
Keriçte ise az bulutlı ava olacaq. Yağanaqlar yağmaycaq. Gece ğarbiy, şimaliy-ğarbiy yel, kündüz cenübiy-şarqiy, şarqiy yel saniyede 3-8 metr olacaq. Gece ava arareti 17…19°, kündüz 30…32° olacaq.
