Qırımda iyün 12-sinde 22 yañı koronavirus infektsiyası qayd etildi. Bunı Qırımnıñ rusiyeli başı Sergey Aksönov bildirdi.
Onıñ aytqanına köre, 11 adise, adamlar tibbiy yardım sorap muracaat etkende qayd etildi, daa 11-i - evel tasdıqlanğan adiseler boyunca epidemiyağa qarşı tebdirler keçirilgende qayd etildi. Hastalarnıñ episi hastahanelerge qoyuldı, alâqa daireleri belgilendi, olarğa qarşı profilaktika tedbirleri keçirile.
İyün 11-inde Qırımda yedi yañı koronavirus hastası qayd etildi. Qırımnıñ Rusiye yolbaşçısı Sergey Aksenovnıñ bildirgenine köre, 4 hasta tibbiy yardım içün muracaat etkende, 2-si qırğınlıq ile küreş tedbirleri vaqtında qayd etildi, 1 hasta Rusiyeden keldi.
Akimiyetniñ malümatına köre, Qırımda 512 koronavirus hastası qayd etildi, 33-ü çetelden keldi, 87-si qomşu Rusiyeden kelgenler ve olarnen alâqada olğanlardır. 16 COVID-19 hastası vefat etti. Aqyarda 178 insan hastalandı. 151 kişi tüzeldi, 3 insan vefat etti.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
