Rusiye 2024 senesi işğal etilgen Qırımda eñ azından 124 arbiy talim keçirdi, dep haber ete Qırımtatar resurs merkezi.
Onıñ malümatına köre, bu, evelki yıllarğa baqqanda raqam bayağı arttı: 2023 senesi 40 talim, 2022 senesi 20, 2021 senesi 44 .
"İşğalciler, yarımadada olğan patlavlarnı arbiy talimlernen añlatmağa tırışalar", — dep aytıla haberde.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı "Ukrayina uçucısızlarına" qarşı ateş ve "ava mudafaa sistemasınıñ işi" dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün "esas telüke" dep adlandırdı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
