Link açıqlığı

Aprel 18-de, cuma künü, Qırımnıñ bütün camilerinde cuma namazından evel 1938 senesi qurşunğa tizilgen qırımtatar halqınıñ ziyalılarını dua ile añacaqlar.

1938 senesi aprel 17 künü sovet akimiyeti mahkeme ve taqiqatsız qırımtatar halqınıñ eñ namlı vekillerini «antisovet unsurları», «halq duşmanları» olaraq adladı ve belli medeniy ve siyasiy erbaplarnı, yazıcılarnı, alimlerni qarşunğa tizdiler.

«Muqaddes Quranda Yüce Rabbi bizge vefat etkenlerni dua ile añmağa buyura, şunıñ içün şeit ketken qabaatsız ziyalılarnı añmağa bizim borcumızdır», – dedi Qırım müftisi haci Emirali Ablayev.

Bunı Qırım musulmanları diniy idaresiniñ matbuat-hızmeti bildirdi.

Aqmescitte cuma namaznıñ vaqtı aprel 18 künü Moskva vaqtı boyunca saat 13.50 keçecek.
XS
SM
MD
LG