Rusiye kontrolindeki Qırım yolbaşçısı Sergey Aksenovnıñ bildirgenine köre, avgustnıñ 3-nde işğal altındaki yarımadada 18 yañı koronavirus hastası qayd etildi. Bu aqta o, «Vkontakte» saifesinde yazdı.
«7-si tibbiy yardım içün muracaat etkende belli oldı, 11-i daa evel qayd etilgen hastalarnen alâqada oldı», – dep qayd etti Aksenov.
Onıñ malümatına köre, Qırımda 1323 yañı koronavirus hastası qayd etildi. 73-i çetelden keldi, 109-ı qomşu Rusiyeden kelgenler ve olarnen alâqada olğanlar, 973 tibbiy yardım içün muracaat etkende ve qayd etilgen hastalarnen alâqada olğanı içün belli oldı, 168-i sağlam insanlarnıñ laborator skriningi neticesinde belli oldı.
945 insan yahşı oldı, 15 hasta vefat etti.
Avgustnıñ 2-nde Qırımda 36 yañı koronavirus hastası qayd etildi, dep bildirdi Qırımnıñ Rusiye yolbaşçısı Sergey Aksenov.
Aqyarda yılnıñ başından, akimiyetniñ malümatına köre, 351 insan koronavirus yuqunçına oğradı, 291 hasta tüzeldi, 9 kişi vefat etti.
Kezlevde qomşu Rusiyeden kelgen taqımlarnıñ iştiraki ile marafon yapacaq olalar.
Aqyar akimiyeti er kesni «umumşeer gimnastikasına» davet ete.
Rusiye kontrolindeki Aqmescit akimiyeti avgustnıñ 8-nden sentâbrniñ 30-na qadar kenişletilgen köy hocalıq yarmalığını keçirmege planlaştıralar.
Bu malümat Aqmescitniñ Rusiye memuriyeti saytında derc etildi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
