Qırımda 14 künlik memuriy tevqiften soñ advokat Aleksey Ladin azat etildi, dep bildire "Qırım birdemligi" cemaat birleşmesi.
Advokat saba saat 5:40-ta Aqmescitteki idariy apis olunğanlar içün Rusiye mahsus tevqifhanesini terk etti. Onı qarşılamağa advokatlar ve faaller keldi.
"Mahkemeniñ bu qararınıñ ne qanunlarğa ne de uquqqa alâqası olmağanı menim içün bes-bellidir. Çünki men içtimaiy ağlarda iç bir ekstremist malümatnı paylaşmadım. Maña qoltutqan er keske minnetdarım, destek pek is etile ve pek müimdir", - dep ayttı Ladin.
Advokat oktâbrniñ 13-nde yaqalanğan edi. Mahkeme advokatqa Facebookta cenkke qarşı paylaşuv yapqanından Rusiye ordusını «itibardan tüşürüv» (Rusiye Federatsiyasınıñ Memuriy uquq bozuvlarınıñ 20.3.3 maddesi) davasına istinaden 45 biñ ruble para cezasını berdi. Advokat «Rus dünyasında» bir kün» adlı maqale paylaşqan ve «CENNKEYOQ» tegini qullanğan eken.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
