Rusiye kontrolindeki Qırım sağlıq naziri İgor Çemodanovnıñ bildirgenine köre, koronavirus Qırımda vefat etken 11 hastadan üçüniñ ölüm sebebi oldı.
Bu aqta o, Aqmescitteki matbuat konferentsiyasında ayttı.
«COVID-19 tedqiqi müsbet çıqqan 349 hastadan 186-sı Qırım Cumhuriyetiniñ tibbiy teşkilâtlarında tedaviylenmege devam etecek, 1 hasta Aqyarğa yollanıldı – arbiydir. 11 insan vefat etti. Olardan üçüniñ ölüm sebebi COVID-19 oldı», – dep ayttı memur.
Çemodanovnıñ malümatına köre, dört hasta ağır alda buluna – üçü Aqmescitte, biri Kezlevde. 129 hastanıñ alı orta ağır, 53-üniñ alı bir qarar.
Qırımda keçken künü üç yañı koronavirus hastası qayd etildi.
Böylece, Qırımda 349 koronavirus hastası qayd etildi. 26-sı çetelden keldi, 73-ü – 154 insan tüzeldi. Rusiyeden kelgen ve olarnen alâqada olğanlar. 11 koronavirus hastası vefat etti. Aqyarda – 157 hasta, üçü vefat etti.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
