Qırımda bilinmegen adamlar, Saq ve Aq Şeyh (Razdolnoye) rayonlarınıñ köylerini suvnen temin etmek içün ayırılğan kanalnıñ bir parçasını bozdı.
Kanal divarları olğan plitalarnı alıp kettiler, töşemeni bozdılar.
Qırım.Aqiqat mühbiri bildirgeni kibi, Montanay (Novosölovskoye) köyü yanında 300 metrge qadar kanal qısmını çaypadılar.
Montanay köyüniñ sakinleri Qırım.Aqiqat mühbirinen subetleşkende, birev plitalarnı qurulışta qullana bilgenini ayttı.
Yerli akimiyet şimdilik kanal bozmalarına açıq bir şey demedi ve yapmadı.
Şimaliy Qırım kanalı, Herson vilâyetiniñ ve Qırımnıñ suvvu az olğan topraqlarına suv yetkizmek içün 1961-1971 yılları qurulğan edi.
Ukraina Qırımnıñ içecek suv ihtiyaclarınıñ 85%-ni yarımadanen bağlağan Dnipro aqıntı yolu olğan Şimaliy-Qırım kanalı vastasınen teminley edi. 2014 senesi Rusiye Qırımnı işğal etken soñ, yarımadağa suv berilmesi toqtatıldı.
