Qırımda yüksek yanğın telükesi içün oktâbr 17-19-ında acele ihtar ilân etildi.
Bunı Rusiye Fevqulâde Nazirliginiñ ilhaq etilgen Qırımda idaresi bildire.
"Qırım gidrometeorologiya ve etraftaki müit monitoringi idaresi"niñ malümatına köre, oktâbr 17-19-ında Qırımnıñ merkeziy ve şarqiy rayonlarında yüksek yanğın telükesi beklenile", - denile beyanatta.
Bundan sebep, yanğın telükesi olğan vaqıtta ateş yaqmaq, manğal ve patlav aletleri qullanmaq, yanğan sernik taşlamaq ve terek tübündeki otlarnı yaqmaq yasaq. Bundan ğayrı, orman alanlarında ve dağda sigaret içmek, yanğan sernik ve sigaretlerni taşlamaq, küneşli yerde şişe, cam parçalarını ve başqa çöplükni qaldırmağa yasaqlana.
