Qırımda sentâbrniñ 9-11 künleri furtuna havfı ilân etildi, dep bildire yarımadanıñ gidromettsentri.
«Sentâbrniñ 9-nda üyleden soñ ve sentâbrniñ 10-11-nde kün devamında Qırımda şimaliy-şarqiy yel süratı saniyede 20-25 metr olacaq», – dep aytıla haberde.
Qırımda ava bozulğanı sebebinden elektrik naqil hatları bozuldı, dep bildirdi «Krımenergo».
Tünevin Qırımda furtuna neticesinde altı insan elâk oldı.
