Tünevin Çatır Dağnıñ aşağı platosınıñ Qartal deresinde (Aqmescit rayonınıñ Anğara köyü yanında) yolunı coyğan turistlerge yardım etildi, dep bildire Rusiye FVN-niñ Qırım idaresi.
"Boldurğanından turistler yolunı devam etip olamadı. Qurtarıcılar, adamlarnı qayadan tüşürmek içün alpinist teçhizatnı qullanmağa mecbur oldı. Tüşürüv operatsiyası tahminen 5 saatqa sürdi. Zarar körgenlerni, dağdan qurtacılarnıñ iş maşnasına alıp ketirdiler, anda olarnen tenbiyelev subeti keçirildi", - denile beyanatta.
Qurtarılğanlar - 1964 ve 1959 senesi doğma eki aqay, 1984 senesi doğma qadın ve 2009 senesi doğma balanıñ tibbiy yardımğa ihtiyacları yoq edi.
İyül 13-ünde Bağçasaray rayonında qyrtarıcılar, Volkswagen Polo" maşnasında Bağçasaray rayonında Çufut Qale yanında yolunı şaşırtqan üç adamdan ibaret olğan qorantanı qurtardı.
Qurtarıcılarğa köre, yılnıñ başından berli Qırım yarımadanıñ dağ-ormanında umumen 65 qıdıruv ve qurtaruv operatsiyası keçirildi, olarda 108 adamğa yardım etildi, olardan 10-u - balalar.
