Qırımda iyül 4-ünde ava bozulacaq, dep bildire yarımadanıñ Gidrometeomerkezi.
"İyülniñ 4-ünde Qırımda kimer yerlerde şiddetli sağanaq, furtuna, burçaq ve 20-25 m/s qadar küçlü yel beklenile", - denile beyanatta.
Sinoptiklerniñ tahminlerine köre, Aqmescitte bulutlı ava. Qısqa vaqıt yağmur yağacaq. Şimal-ğarbiy yel 7-12 m/s. Ava arareti 27…29º.
Aqyarda deñişici bulutlılıq, yağanaqlarsız, ğarbiy yel 6-11 m/s. Ava arareti 26…28°.
Qırımnıñ cenübiy yalısında deñişici bulutlılıq. Aralıqlı yağmur yağacaq. Şimal-sarqiy yel 7-12 m/s. Ava arareti 26…28°.
Keriçte deñişici bulutlılıq. Kündüz qısqa vaqıt yağğan yağmur, furtuna. Şimal-sarqiy yel 6-11 m/s. Ava arareti 28…30°.
İyülniñ 6-sına qadar Qırımda fevqulâde yanğın telükesi ve futrtuna ihtarı ilân etilgen.
