"Krımavtodor" şirketine yol tamiri içün tehnika almaq içün daa bir milliard ruble ayırılacaq. Bunı Qırımnıñ rusiyeli başı Sergey Aksönov bildirdi.
"Müessise Qırım Cumhuriyetinde turaq tiklemesini ve yol kenarlarınıñ - ilk olaraq kurort trassalarınıñ kenarlarınıñ - terbiyağa çekmesini becerecek", - yazdı Facebookta Aksönov,
Daa evel Aksönov, Qırım, yol tamiri içün qomşu Rusiyeniñ budcetinden üç yılnıñ içinde para alacaq, dep bildirdi. Birinciden Aqmescit, Keriç ve Aqmescit rayonınıñ yolları tamirlenecek.
Rusiye tarafından Qırımnıñ işğalinden soñ aydavcılar, yol tıqanıqlarına şikâyet ete. Başqalardan ğayrı, olarnıñ sebebi Qırım yollarında devamlı yapılğan tamir işleri de.
