Qomşu Rusiyede üç yaldayıcı Baykal gölüni yaldap keçti ve dünya rekordını qoydı. Olarnıñ arasında - eki qırımlı, dep bildirdi Kreml nezaretindeki Qırım sport nazirligi.
"Üç ekstremal yaldayıcı dünyanıñ eñ teren gölüni yaldap keçti. Olarğa, 45-inci kilometrden 55-incigece mesafeni keçmek içün bir künden az kerek oldı. Yaldav, İrkutsk vilâyetiniñ Listvânka köyünde avgust 5-inde saba saat 5:30-da başlandı ve Burâtiyada Vıdrina köyünde avgust 6-sında saat 4:35-te yekünlendi", - aytıp berdiler matbuat hızmetinde.
Yaldavnı, "Slava" Keriç sambo klubunıñ teşkilcisi Vâçeslav Timoşenko, klub sportçusı Yevgeniy Semenâkar ve Çeçenistan zemaneviy qılıç uruşı federatsiyasınıñ başlığı Zaur Zakrailov yaptı, dep bildirdiler müessisede.
"Temiz Baykal içün" adlı yaldavnıñ maqsadı - gölniñ bulaştıruvı meselesine cemiyetni diqqatını celp etmektir.
