Qırım yalısında zapt etilgen ve azat etilgen «Yañı Qapu» buksirinde «Bayraq kününi» qayd ettiler

İyünniñ 26-nda Ukraina Arbiy-deñiz quvetleriniñ «Yañı Qapu» reyd buksirinde Ukraina ve qırımtatar bayraqlarını köterdiler.

Haber etilgenine köre, merasim Qırımtatar Milliy Bayraq künü munasebeti ile oldı.

«Ananeviy olaraq iyünniñ 26-nda adı Qırım MC şeeriniñ şerefine qoyulğan Yañı Qapu reyd buksirinde biz Ukraina ve qırımtatar bayraqlarını köteremiz. Böyle etip, biz sürgünlik ve işğalniñ qurbanlarını añamız, qırımtatarlarğa ürmetimizni kösteremiz», – dedi Ukraina AQ ADQ Komandanlığınıñ kapitanı Andrey Ursol. ​

2018 senesi noyabrniñ 25-nde Rusiyeniñ sıñır gemileri Odesa limanından Azaq deñizinde Mariupolge keçken Ukraina Arbiy deñiz quvetleriniñ gemilerine qarşı «açıq istilâiy areketler» kerçekleştirdi. Rusiyeniñ «Don» sıñır kateri Ukraina Arbiy deñiz quvetleriniñ «Yañı Qapu» reyd buksirine aselet çarptı.

İyünniñ 26-nda Ukraina Tış işler nazirliginde tantanalı sürette qırımtatar bayrağı köterildi. Bunı Ukraina prezidentiniñ QMC-deki daimiy temsilciligi Facebookta haber etti. ​

Cumaertesi künü, iyünniñ 26-nda qırımtatarlar Milliy Bayraq kününi qayd eteler. Ukrainada memurlar ve siyasetçiler qırımtatarlarnı Bayraq kününen hayırladılar.​

Vinnitsa sakinleri balaban qırımtatar bayrağı üzerinde öz yazılarını qaldırdı. Tedbir Qırımtatar halqı Qurultayınıñ faaliyetiniñ 30-ncı yıldönümi ve qırımtatar Milily Bayraq künü munasebeti ile Bütün Ukraina aktsiyası çerçivesinde olıp keçti.

Bundan daa evel qırım sakinlerine öz tileklerini Kyiv, Lviv, Dnipro sakinleri yazdı.

• Сергей Нужненко
• Крым. Реалии

В Киеве активисты развернули под зданием Верховной Рады флаг крымскотатарского народа, на котором все желающие оставили свои пожелания для жителей Крыма.

Kyivde Yuqarı Radanıñ binası ögünde faaller qırımtatar halqınıñ bayrağını açtı, istegenler, hususan deputat ve yardımcıları, Qırım sakinleri içün tileklerini qaldırdı.

Qırımtatar bayraq kününde, iyünniñ 26-nda, onı Qırım ve esas Ukrainanıñ memuriy sıñırından yarımadağa uçurmağa planlaştıralar.

Bayraq Donetsk vilâyetinde tikildi, andan Kyivge ketirildi. İyünniñ 15-nde aqşam bayraqnı Lvivge yollaycaqlar, iyünniñ 16-nda ise Taras Şevçenkonıñ abidesi yanındaki meydanda açacaqlar. İstegen er kes tilegini qaldıracaq. Andan bayraq Odesağa ketecek.