İşğal etilgen Qırımnıñ yalısında Qara deñizde zelzele oldı. Bu aqta Rusiye ilimler akademiyasınıñ Yekâne geofizik hızmetiniñ saytındaki malümatta haber etile.
10 km terinliginde yerastı sarsıntıları cumaertesi künü, aprelniñ 6-nda, künniñ birinci yarısında oldı. Olar yarımadanıñ şarqiy yalısında qayd etildi. Büyükligi 3,8 baa oldı.
Vernadskiy Qırım Federal universitetiniñ zelzeleşınaslıq ve geodinamigi institutınıñ müdiri Yuriy Volfman RİA Novosti Krım agentligine yarımada yanında zelzele olğanını tasdıqladı.
«Küçük yer teprenüvi Qırımnıñ cenübi-şarqında, Sudaq rayonında, Qara deñizniñ teren suv çuqurınıñ sıñırında qayd etildi. Eali onı is etmedi», – dedi o.
Onıñ aytqanına köre, bir yılda Qırımda mütehassıslar 150-160 zelzele olğanını qayd ete.
