Bugün, iyünniñ 28-nde Qırım ve dünya musulmanları Qurban bayramını qayd eteler.
Qurban bayramı – musulmanlarnıñ eñ büyük bayramlarından biri olıp, Mekkege acılıqnıñ soñuna kelgenini temsil ete. Oraza Bayramından 70 kün keçken soñ qayd etile.
Qurban Bayramı büyük meydanlarda cemaat ile qılınğan bayram namazından başlana ve ondan soñ qurban çalına. Bu ananeniñ tamırları Allahnıñ İbraim peyğamberge oğlu İsmailni qurban ketirmege bermeyip, qoynı kesmege buyurıp toqtatqanından kele.
"Ukrayina içün bu ağır künler de Allahnıñ bir sınavıdır. Yüce Allahtan bu sınavlardan lâyıq şekilde keçmemiz içün quvet ve yardım bermesini tileyim. Ümüt etem ki, Allah bizim dualarımıznı qabul eter ve hayır niyetlerimizni eşitir", - dep yazdı feysbukata Milliy Meclis azası Eskender Bariyev.
Qurban bayramı künleri yañı urba kiyile, musafirlikke barıla, ediyeler berile ve mezarlıqqa barıla.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
