Aqmescitteki Qırımnıñ Cuma camisinde saba saat 6-dan yarımadanıñ bütün köşelerinden biñden ziyade musulman toplaştı. Olarnıñ arasında tek qırımtatarlar degil de, qırğız, tacik, hindu ve diger islâm dininiñ vekilleri de bar. Episi yarımadanıñ paytahtındaki musulman ibadethanesinde birinci kollektiv namazını qılmağa keldi.
Hatırlatamız, Oraza bayramı üç kün devam etecek. Ramazan ayınıñ bailanması kibi Oraza Bayramı da yañı aynıñ peyda oluvına rastkele. Musulmanlar, Ramazan olarğa öz-özüni terbiyelemege, öz-özüni idare etmege, öz-özüni feda etmege ve daa az bahtlı olğanlarğa şefqat etmege ögretir, dep tüşüneler. O, aynı zamanda, cümertlik ve hayriye faaliyetini teşviq ete. Musulmanlar, oraza tutmaq (sabadan aqşamğa qadar aş ve içmekten vazgeçmek) başqalarğa merhamet köstermege yardım etekenine işanaar.
Bundan evel Qırımtatar Milliy Meclisiniñ reisi Refat Çubarov aprel 9-10 künleri Oraza bayramında qırımlı siyasiy mabüslerniñ qorantalarını ziyaret etmege çağırdı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
