İlhaq etilgen Qırım ve Aqyarda, Rusiyeden kelecek poyezdlerni qarşılaycaq ve ozğaracaq türkülerni sayladılar
"Qırım demir yoluna" atıf etken TASS agentligi, Aqmescit demiryol vokzalına kelgen poyezdlerni "Menim Aqmescitim - Qırım qapısı", Aqyarğa kelgenlerni ise "Efsaneviy Aqyar" türküleri qarşılaycağını bildire.
Bestekar Vano Muradeliniñ "Efsaneviy Aqyar" eseri, 1994 senesi Aqyar gimni olaraq tasdıqlanğan edi. Leonid Heyfets-Polâkovskiyniñ "Menim Aqmescitim - Qırım qapısı" türküsi ise 1984 senesinde, Aqmescitniñ 200 yıldönümi vaqtında, şeer aqqında yılnıñ eñ güzel türküsi dep tanılğan edi.
«Grand Servis Ekspress» naqliyat şirketi noyabrniñ 8-nde saba Keriç köprüden ketecek Qırımnıñ yolcu trenlerine bilet satmağa başladı.
Daa evel haber etilgeni kibi, Rusiye prezidenti Vladimir Putin, Keriç köpründe poyezdlerniñ yürüşi açılmasında iştirak ete bile. Bunı jurnalistlerge Putinniñ matbuat kâtibi Dmitriy Peskov haber etti.
