Qırım ve Aqyarda cumaertesi kününece yarımadada yüksek yanğın telükesi olğanından sebep acele ihtarnı uzattılar. Bu rusiyeli Qırım FVN-niñ malümatında bildirile.
"Avgust 19-22-sinde ğarbiy, merkeziy, şarqiy rayonlarda, dağlarda ve Aqyarda fevqulâde yanğın telükesi qalacaq", - denile beyanatta.
Müessisede, bu müddet devamında böyle areketler yasaq olğanını hatırlattı:
- dağ-ormanlarnıñ ziyareti;
- azbarlarda ve bostanlarda ot, çöplük yaqması;
- quru ösümlikniñ yaqması.
Aqyarda cuma künü mahsus yanğın rejimini 21 künge uzattılar.
