Kopengagende Danimarkanıñ Poul Lauritzen Foundation fondunıñ er yıllıq Freedom Award 2024 halqara mukâfatı berildi, dep bildire Azatlıq Radiosınıñ mühbiri.
2024 senesi içün ukrayinlerge eki mukâfat berildi:
- Qırım uquq qoruyıcı gruppasınıñ reisi Ölğa Skrıpnık
- Kremlniñ sabıq mabüsi, Justice Initiative Fund teşkilâtçısı, Azatlıq Radiosınıñ müellifi ve Şevçenko mukâfatınıñ laureatı Sanislav Aseyev.
Malüm ki, fondnı Danimarka iş adamı ve Ekinci cian cenki vaqtında Danimarkada muqavemet areketiniñ faal iştirakçisi Poul Lauritzen tesis etti. Fond er yıl bir mukâfatnı aq qorçalayıcı ve dünyanıñ çeşit köşelerinde insan aqlarınıñ bozuluvı aqqında malümat tarqatuv saasında ğayet muvafaqiyetleri içün bere.
"Ölğa ve men, mukâfat aqqında haberni ve Kopengagenge merasimge davetname aldıq, bu epimiz içün büyük sürpriz edi. Diger bir sürpriz, tedbir teşkilâtçılarınıñ işimiz ve atta edebiyatımıznıñ tafsilâtları ile teren tanışlığı edi. Hususan, merasimde "Aydın yol" adlı ingliz neşirinden izolâtsiya aqqında parçalar oquldı, bu ise Rusiyede qullanılğan işkence sisteması aqqında daa teren munaqaşalarğa sebep oldı", — dep qayd etti Aseyev.
Kopengagendeki tedbirler vaqtında Rusiye tarafından qanunsız sürette mahküm etilgen Qırım.Aqiqatnıñ frilanseri Vladislav Yesipenko "Rusiye tarafından insan aqlarınıñ bozuluvı" misalinde bir qaç kere añıldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
