Qırım uquq qoruyıcı gruppasınıñ başı, "Qırım platforması"nıñ ekspert ağınıñ koordinatorı Olga Skrıpnik ve onıñ cemaat teşkilâtı 2023 senesi sentâbrniñ 7-nde Felemenkniñ Ukrayinadaki elçiliginden "İnsan aqları lâlesi" mukâfatını aldı.
Bunıñ aqqında Ukrayina TİN birinci muavini Emine Ceppar ve ZMINA İnsan aqları merkezi haber ettiler.
"Felemenk ükümetinden "İnsan aqları lâlesi" mukâfatını alğan O lga Skrıpnikni can-yürekten hayırlayım. Bu mukâfat onıñ yorulmaq bilmegen çalışmalarınıñ lâyıq bir örnegidir... Eminim ki, bu mukâfat er bir siyasiy mabüs içün küreş timsalidir. Bu mukâfat Qırım uquq qoruyıcı gruppasınıñ büyük taqımınıñ tanılmasıdır", - dep yazdı Ceppar Facebookta.
Öz nevbetinde Felemenkniñ Ukrayinadaki elçisi Yennes de Mol Rusiye işğali altındaki Qırımda insan aqları vaziyeti aqqında malümat bergen Qırım uquq qoruyıcı gruppasına teşekkür etti.
«İnsan aqları lâlesi» – Felemenk Tış işler nazirliginiñ teşebbüsiniñ tesis etilgen ükümet mukâfatıdır. 2008 senesinden berli insan aqlarına qoltutqan aq qorçalayıcı ve teşkilâtlarğa berile. 2018 senesinden itibaren Felemenk ükümeti bütün dünyada yapqan işi içün telükede olğan faal ve aq qorçalayıcılarğa yerli mukâfatlar bere.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
