İşğal etilgen Qırımda Rusiye quvetçileri tarafından yaqalanğan Server Bariyevge qarşı dava açtılar, amma ketmemezlik senetinen evge yiberdiler. Bunı "qırım birdemligi" cemaat birleşmesi haber etti.
Advokat Edem Semedlâyevniñ sözlerine köre, Bariyevni içtimaiy ağlarda paylaşım içün yaqalanğan.
İmayeciniñ bildirgeni kibi, Server Bariyevge qarşı Rusiye Federatsiyasınıñ Ceza Qanunnamesiniñ 205.2 maddesiniñ 2-nci qısmına binayen cinayet davası açılğan (İnternet vastasınen terrosistik areketlerge açıq çağıruvlar). Bu VKontakte içtimaiy ağında islâm mevzusında bir paylaşım edi.
"Maddeniñ sanktsiyası üç yüz biñden million ruble qadar miqdarda ve ya da maaş miqdarında ya da mahkümniñ üç beş yıl müddetti arasında diger keliri miqdarında cöremeni ya da belli bir vazilerde bulunmaq aqqından marum etüv ile beraber beş ve yedi yıl arasında azatlıqtan marum etilmesini közde tuta", - dep yazıla bildirmede.
Aprelniñ 6-da saba Server Bariyevniñ evinde tintüv keçirilgeni aqqında belli oldı. "Qırım birdemligi" cemaat birleşmesi haber ettkeni uibi tintüvden soñ Bariyevni alıp kettkenler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d2ud65mnh9spru.cloudfront.net . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
