Rusiye nezaretindeki Qırım tasil naziri vazifesini vaqtınca becergen Natalya Gonçarova istifaga çıqa. Bunı o, "RİA Novosti Krım" haber agentligine aytıp berdi.
"Ebet, tasdıqlayım", - dep Cevaplandı Gonçarova mühbirniñ sualine. Amma, nazir, meşğul dep, öz qararınıñ sebeplerini añlatmadı.
Qırım Tasil Nazirliginiñ matbuat hızmeti, Gonçarovanıñ işten çıqaruvı Qırım.Aqiqatnıñ sualine, "şimdilik resmiy beyanatlar yoq", dep cevaplandı.
"RİA Novosti Krım"nıñ menbaası bildirgeni kibi, Tasil Nazirliginiñ başı vazifesine Qırım parlamentiniñ mebusı Larisa Georgiadiniñ namzeti baqıla.
Natalya Gonçarova 2012 senesi dekabr ayından başlap nazirliknin reberi edi.
Rusiye nezaretindeki Qırım parlamenti noyabr 6-ısında keçken sessiyada Qırim ükümetiniñ yañı baş nazir müavinlerini tayinledi.
