Qırım tarihçıları Serğiy Ğromenko, Gülnara Bekirova, Andriy İvanets, qırımtatar yazıcısı Bekir Ablayev ve Ukraina siyasiy tedqiqatlar mustakhil merkeziniñ reberi Yuliya Tışçenko «Qırım ve qırımtatar halqınıñ tarihı. Derslik» adlâ kitapnı yazdı.
Bu aqta Facebookta «Qırımtatarlar: Tarih. Medeniyet. Sanat» tasil kursı» saifesinde haber etile.
«Qırım ve qırımtatar halqınıñ tarihı. Derslik» işimiz dünya yüzüni körgenini bildirgenimizge quvanamız, bu Ukraina medeniyet fondunıñ yardımı ile «Qırımtatarlar: Tarih. Medeniyet. Sanat» tasil kursı» medeniyetşınaslıq leyhasınıñ kerçekleştirilüvi çerçivesinde bütün taqım işiniñ neticesidir», – dep aytıla haberde.
Derslik mektep çağındaki balalar içün yazıldı, amma oca, student ve Qırım tarihınen meraqlanğan er keske kerek ola bile.
Daa evel bildirilgenine köre, «Qırım ailesi» cemaat teşkilâtı Qırım, qırımtatarlar, medeniyet ve sanatlarınıñ tarihı aqqında online tasil platformasını, video derslerini ve uzaqtan derslerini taqdim etti. Bundan ğayrı, Ukrainada ilk sefer mektep talebeleri içün ukrain ve qırımtatar tillerinde tarih dersligi neşir etilecek. Tasil kursınıñ müellifleri arasında – rejissör Ahtem Seitablayev, ressam Rustem Skibin, alıp barıcı ve yırcı Elzara Batalova, Qırım tarihçıları Gülnara Bekirova ve Andriy İvanets.
