İlhaq etilgen Qırımda distantsion oquşta bir sıra fenler boyunca talebelerge vazifeler kelip tura, amma olarnıñ berilmesi aprelniñ 22-sinde bitecek edi, bildire Qırım.Aqiqat mühbiri.
Onıñ malümatına köre, bu fenlerni mektep dersler cedvelinden alıp taşlamadılar. Ana-baba subetlerinde ocalar bunı "kelecek yılnıñ programmasını deñiştirmege istemeyler" dep añlatalar.
Трудности образования: как проходит обучение во всем мире в период пандемии (фотогалерея)
Daa evel Rusiye mekteplerinde üç afta tatil – martnıñ 23-nden aprelniñ 12-ne qadar olacağını bildirgen ediler.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
