Qırımda aprelniñ başında suvuq cebe keçkeni içün ava arareti 4 derecege qadar tüşecek ve gece yengil ayazlar olacaq. Bu aqta gidromettsentr saytı haber ete.
Aprelniñ 1-nde suvuq cebe keçmesi ve ava araretiniñ tüşmesi beklenile. Çoq olmaycaq – aprelniñ 1-3-nde. Kündüz ava arareti – 4-9 derece, gece yer üstünde sıfırdan aşağı derece olacaq, avada sıfırdan aşağı 1-5 derece olması beklenile.
Martnıñ soñki raatlıq künleri ise kündüz 20 derece sıcaq olacaq ve şimaliy-şarqiy yel sakinleşecek, dep beklenile.
Hatırlatamız, martnıñ 27-nde, sinoptiklerniñ tahminlerine köre, Qırımda +16 derece sıcaq ve bazı yerlerde küçlü yel esmesi beklenile.
