İşğal etilgen Qırımda «samooborona» şekillendirilmesiniñ beş yılına bağışlanğan «hatıra abidesi» açıldı. Bu aqta Rusiye kontrolindeki Qırım ükümetiniñ saytında iyülniñ 26-nda haber etile.
«Yubiley kününe 6 tahtadan ibaret hatıra abidesi açıldı, anda halq göñüllileriniñ tarihı aqqında malümat, Qırım baariniñ basamaqları, Rusiye Federatsiyası ve Qırım Cumhuriyetiniñ devlet bayramları aqqında malümat, Donbasta elâk olğan qırımlı göñüllilerniñ adları ile hatıra tahtası bar», – dep aytıla haberde.
Qırım Muhtar Cumhuriyeti ve Aqyar milliy politsiyası 2019 senesiniñ başından Qırım «samooboronasınıñ» 28 azasını qıdıruvğa ilân etti.
2018 senesiniñ başında QMC Günduz Mamedov Qırım Muhtar Cumhuriyetiniñ prokuraturası Qırım «samooboronasınıñ» beş yüzden ziyade azasınıñ malümatını bildi, dep haber etken edi. Daa soñra Ukraina baş prokurorı Yuriy Lutsenko Ukraina uquq qoruyıcıları Qırım «samooboronasınıñ» 900 azasınıñ kimligini ögrendi, dep bildirdi.
Qırım «samooboronası» yarımada ilhaqı arfesinde peyda olıp, Rusiye ilhaqına yardım etken edi. 2014 senesi iyünniñ 11-nde Kreml kontrolindeki yarımada parlamenti qanunnı qabul etip, bu teşkilâtnı qanunlaştırdı.
Aq qorçalayıcılar bu silâlı birleşmeniñ Qırımda çoqusı alâ daa tahqiq etilmegen bir sıra cinayetke alâqası bar olğanını bildirgen edi.
