Ukrayina Mudafaa nazirligi Qırım sakinlerini işğal etilgen yarımadada Rusiye ordusınıñ yerleşken yerleri aqqında "yeVorog" çat botqa haber etmege çağıra. Bunıñ aqqında nazirlikniñ Facebook saifesinde yazıla.
"İşğal etilgen Qırımnıñ bütün sakinlerini işğalcilerniñ ve duşman tehnikasınıñ yerleşken yerleri ve areketleri aqqında Ukrayina Digital transformatsiya nazirligine (https://t.me/evorog_bot) haber etmege çağıramız. Telükesizlik aqqında unutmañız. İşğalcilerni çekkende muqayt oluñız ve "yeVorog" ile yazışmañıznı yoq etmege unutmañız", - dep yazıla bildirmede.
Ukrayina nazirliginde qayd etkenler kibi, "yeVorog"da ne qadar çoq ariza olsa, o qadar çoq da "pamuq" Qıırmda olur.
Soñ aftalar Qırım ve Aqyarda aman-aman er kün patlav sesleri eşitilmekte.
Ukrayina akimiyeti ve arbiyleri Rusiye işğal etken Qırımdaki patlavlardan mesüliyetini tanımadı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
