Yanvarnıñ 5-nde, salı künü, Ukrainada deñev Tış mustaqil baalıvına qayd olunuv başlana. O, yanvarnıñ 19-nace devam etecek. Bunı Qırım MC ve Aqyar şeerindeki Ukraina prezidentiniñ Temsilciligi hatırlata.
İşğal etilgen Qırım ve Aqyardan abituriyentler Herson tasil keyfiyetine qıymet kesken vilâyet merkeziniñ saytında qayd oluna bileler.
“Bu yıl qırğınlıq telükelerini köz ögüne alıp, er iştirakçi deñev Tış mustaqil baalıvını keçmek içün tek bir fenni saylap olacaq. Bütün fenler boyunca testlev 2021 senesi aprelniñ 10 ötkerilecek. Bundan ğayrı, qayd olunğan er iştirakçi TMB-2021 fenlerniñ sırasından bütün oquv fenler boyunca testlev defterlerni yüklep testlerni evde keçip öz cevaplarınıñ neticelerini esaplağan mahsus resursqa kirsete bilecekler”, – hatarlatalar idarede.
Deñev TMB-2021 neticeleri 2021 senesi aprelniñ 16-nda malümat saifelerde yayınlanacaq.
Ukrainanıñ vaqtınca işğal etilgen territoriyalarında yaşağan şahıslar Tış mustaqil baalıvınıñ esas sessiyasında iştirak etmesi içün 2021 senesi fevralnıñ 1-den martnıñ 5-ne qadar qayd oluna bilecekler.
Prezident Temsilciliginiñ bildirgenine köre, Ukrainanıñ vaqtınca işğal etilgen topraqlarından abituriyentler Ukraina territoriyasındaki aliy oquv yurtlarına sadeleştirilgen kirüv usulını qullanıp aliy oquv yurtına Tış mustaqil baalıvını tapşırmayıp kire bileler.
