Link açıqlığı

Qırımda işlemege ve rusiye pasportını elde etmege azır olğan Qırım sakinlerine şahsiy esapnıñ sigortasını da almağa kerek olur.

Bunı RF Pension fondınıñ yerli idaresine bazanıp, öz başına tayinlengen Qırım akimiyetiniñ ruporlarından biri olğan KİA bildire.

Şahsiy esapnıñ sigortasınıñ esas maqsadı – insan mahsus pension sigorta tertibatınıñ iştirakçisi olğanını tasdıqlamaq. Bu vesiqasız Pension fondına şahsiy esap aqqında malümatnı bermege imkân olmaycaq.

Berilgen malümatqa köre, Qırım sigorta hadimleri esapnı ilk sefer 2015 senesiniñ birinci kvartalı içün berecekler. Şunıñ içün 2014 senesi oktâbr 1-ne qadar çalışqan sigortalı şahıslarnıñ Reyestri teşkil olunmalı.

RF Pension fondınıñ çalışqan sigortalı şahıslarnıñ Reyestrine grajdanlarnıñ episi, Qırım sakinleri de kirsetilmeli.

Çalışqan sigortalı şahıslar Reyestriniñ teşkil olunuvını temin etmek maqsadınen şahıslar «Sigortalı şahısnıñ anketası»nı toldurmaq kerek. Onı hadimniñ özü toldura (RF vatandaşınıñ pasportını elde etken soñ), soñra reberler, işçilerni mahsus pension sigorta tertibatında qayd etmek içün, onı Qırım Cumhuriyetiniñ Pension fondına bereler.

Sigorta ödevini tölegen insanlar (RF vatandaşınıñ pasportını elde etken soñ) öz yaşağan yerindeki Pension fondınıñ idaresinde sigortalı insannıñ anketasını toldura.

Sigortalı şahıslarnıñ Reyestri şu müessiselerden berilgen malümatlarğa köre toldurıla, ketişat endi başlandı.
XS
SM
MD
LG