Oktâbr 21-inde Qırım ve Aqyar boyunca Rusiye Tahqiqat Komiteti, Seyitler rayonınıñ 39 yaşındaki sakine qarşı dava açqanını bildirdi. Aqaynıñ 14 yaşındaki qız balanıñ namsına keçkeninde qabaatlaylar.
"Qarasuvbazar rayonarası tahqiqat bölügi, qızçıq aqşam üstü qardaşınen beraber Seyitler rayonınıñ bir köyünde kezingenini tayinledi. Balağa sarğoş qomşu kelip, onıñ zornen ormanğa alıp ketip, namusına keçti", - denile beyanatta.
Müessisege köre, aqaynı yaqaladılar, qabaatladılar ve mahkeme qararı boyunca tevqif ettiler.
"Ekimler balağa kerekli yardımnı etti. Tahqiqatçılar ve kriminalistler cinayet yerini baqıp çıqtı, yaqalanğan adamnıñ cinayetke alâqasını tasdıqlağan delillerni taptılar. Bütün kerekli ekspertizalarnı tayin ettiler. Cinayetniñ tafsilâtını bilmek içün tahqiqiy ve başqa usul tedbirlerni keçireler", - qayd ettiler Tahqiqat komitetinde.
Tevqif etilgen kişiniñ adı ve soyadını aydınlatmaylar.
