Qırımtatar, cenkke qoltutqan kefeli bloger Aleksandr Talipovnıñ telegram kanalı içün afu soramaqtan red etken soñ, azatlıqtan marum etildi. Bunı Qırım uquq qoruyıcı gruppası bildire.
"2023 senesi avgustnıñ 11-nde qırımtatarı Dlâver Salimov Eski Qırımda başqa bir Qırım sakini ile subetleşkende, onıñ başına ''Z'' simvolı ile şapka taqqanına açuvlanğanını bildirdi. Salimov opponentine sözlü qorquzuv bildirdi ve rus ordusınıñ timsalleri ile şapkasını çıqarmağa talap etti'', - dep aytıla haberde.
Bu adise videoğa çıqarıldı ve "Krımskiy smerş'' telegram kanalında derc etildi, onı Rusiye tarafdarı olğan bloger Talipov alıp bara. Neticede Salimovğa qarşı "kiçik çapqınlıq" maddesine istinaden memuriy dava açıldı, mahkeme ise 14 künge memuriy apis cezasını berdi.
''Rusiye Federatsiyasınıñ quvet strukturalarınıñ vekilleri bir qaç kere Salimovdan "Krımskiy smerş'' ve ''TalipoV Online'' telegram kanallarında derc etilmesi planlaştırılğan areketleri içün afu soramağa talap etken ediler'', - dep iddia ete uquq qoruyıcılar.
Salimov bunı yapmaqtan red etti, bundan soñ oña qarşı cinaiy dava açıldı. Rusiye Federatsiyasınıñ Ceza qanunnamesiniñ 119 maddesi (öldürmeknen qorquzuv). Rusiye quvetçileri Salimovqa afu soramağa teklif etken edi, amma o, red etti. Bundan soñ qabaatlav sertleştirildi.
Noyabrniñ 1-nde qırımtatarnıñ areketleri 2-nci maddeniñ 2-nci qısmına deñiştirildi. Rusiye Federatsiyasınıñ Ceza qanunnamesiniñ 119-ıncı maddesine istinaden tevqif etildi, ertesi künü ise onı Aqmescitniñ №1 SİZO-sına yerleştirdiler. Bu maddeniñ cezası beş yılğa qadar azatlıqtan marum etüvdir.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
