Qırımdan reeissör, sabıq siyasiy mabüs Oleg Sentsov Avropa kino akademiyasınıñ azası oldı. Bu aqta o Facebook saifesinde haber etti.
"Maña eki kere bu teşkilâtnıñ azası olmağa teklif ettiler: birinci kere daa tevqifli olğanımda, ekinci kere azat etilgenimden soñ. Özümni buña lâyıq körmegenim içün red ete edim, yalıñız kiçik bir filmim bar edi. Venetsiyada ekinci filmim taqdim etilgen soñ men siyasiy mabüs kibi degil, rejissör kibi meşur oldım ve bu kino akademiyanıñ sıralarını qoşlumağa razı oldım", - dep yazdı Sentsov.
Venetsian film festivalinde üç ukrain filmi taqdim etilecek. Olarnıñ arasında: Qırımlı ukrain rejissörı, sabıq siyasiy mabüs Oleg Sentsovnıñ «Nosorog» filmi. Bunıñ aqqında malümat festivalniñ saytında bar.
"Nosorog" filminiñ taqdisi aqqında Sentsov Qırım.Aqiqatqa bildirgen edi.
Hatırlatamız, Sentsovnıñ "Nosorog" filmi EURIMAGES fondu tarafından 270 biñ maliyeviy yardım aldı.
