13 yılğa maküm etilgen Arsen Abhairovnı 8-nci Tüzetüv cezahanesinden (Bürtiya Cumhuriyeti) işğal etilgen Qırımğa yaqın olğan Ulan-Ude şeerine etap ettiler. Şimdi o, Çuvaşiya Cumhuriyetiniñ cezahanesinde buluna, dep bildire "Qırım birdemligi" Aziz Abhairovnıñ apayınaatıf etip.
"Aqayım saban ayınıñ 4-nde Burtiya Cumhuriyetiniñ 8-nci Tüzetüv cezahanesinden çıqarıldı. Aman-aman bir buçuq ay devamında yolda edi. 2025 senesi çeçek ayınıñ 17-nde o, Tsivilsk şeeriniñ 2-nci SİZO-sına ketirildi. 15 daqqa devamında maña resmiy bağ vastasınen telefon etti. O, onı Çuvaşiya Cumhuriyetiniñ 3-nci Tüzetüv cezahanesine endi yollağanlarını ayttı", — dep qayd etti o.
2024 senesi qara qış ayından başlap qırımtatar evinden yedi biñ kilometr uzaqlıqta Ulan-Ude şeerinde (Burâtiya Cumhuriyeti) 8-nci Tüzetüv cezahanesinde buluna edi. FSİN-den tekrar red cevabını alğan apayı idare organına qarşı dava açtı. 2024 senesi ilk küz ayında Rusiye kontrolindeki Qırımnıñ Qurman rayon mahkemesi, FSİN-niñ siyasiy mabüsni avuştırmaqtan red etüvini "esassız" dep tanıdı.
Çuvaşiyadaki tüzetüv cezananesi Qırımdan eki biñ kilometr uzaqlıqta buluna.
2019 senesi kiçik ayda Qurman rayonınıñ Büyük Onlar (Oktâbrskoye) qasabasında Rusiye uquq qoruyıcıları tintüv keçirdi. Daa soñra Aqmescitteki FSB idaresine Eskender Abdulganiyev, Arsen Abhairov ve Rustem Emiruseinov alındı. Rusiye Federal telükesizlik hızmeti Qurman rayonınıñ üç sakinini "Hizb ut-Tahrir" teşkilâtında iştirak etkeninden şübheli sayıp yaqalağanını tasdıqladı.
2020 senesi boş aynıñ 3-nde saba Rostov-na-Donu Cenübiy okrugınıñ arbiy mahkemesi Qurmandaki "Hizb ut-Tahrir davasınıñ" üç mabüsi Rustem Emiruseinov, Arsen Abhairov ve Eskender Abdulganiyevni 17, 13 ve 12 yılğa üküm etti. Olar qabaatlarını tanımadı. Mahküm etilgen qırımlılarnıñ advokatları ükümni şikâyet etip, Avropa insan aqları mahkemesine barmağa niyetlene.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
