Qırım sakini, sabıq arbiy adam, salı künü kündüz Aqmescit üzerinde eşitilgen gürültiniñ sebebini Qırım.Aqiqatqa añlattı. Onıñ fikrince, bu - reaktiv uçaqnıñ ses baryerini ozğanı edi. O ikâye etip berdi ki, kökte büyük yükseklikte uçaq ve onıñ açıq-aydın körüngen izi bar edi. Uçaq Bavurçı (Kamenka) töpesinde aylanıp, aynı yolnen Sarabuz (Gvardeyskoye) tarafına uçqan.
Uçaq başqa özüne oşağan ve kökte aynı iz qaldırğan uçaqnen yan-yanaşa keçti.
Daa evel martnıñ 19-ında Aqmescit sakinleri patlavğa oşağan gürülti eşitken, ondan soñ kökte beyaz iz körünip başlağan, dep bildirilgen edi.
İştimaiy ağlar qullanıcıları ve Rusiye matbuatı, sesniñ sebebi - uçaq ses baryerini ozğanı oldı dep tüşüne.
