Link açıqlığı

Qırım siyasiy basqığa sebepçi oldı. Bu kibi fikirni Rusiye Federatsiyasınıñ baş naziri Dmitriy Medvedev Devlet Dumasında bildirdi.

Medvedevniñ sözlerine binaen, Rusiye Qırımnı öz terkibine qoşqan soñ, ağır vaziyetke qaldı. "Pek ağır şaraitler meydanğa ketirildi. Rusiye ilk kere üç taraftan basqı altında buluna. Birinciden, halqara iqtisadiyatnıñ sabit olmağanı, ekinciden, ileri ketken devletlerniñ menfiy munasebeti ve elbette, strukturalarımıznıñ sıñırlı olğanı sebpler sırasında tura. Ükümet ögümizde olğan qıyınlıqlarnı añlay", - dedi Medvedev.

Avropa Birligi ve AQŞ Qırımnıñ işğali sebebinden Rusiyege qarşı sanktsiyalarnı kirsettiler. İqtisadiy sanktsiyalar siyasetçi ve iş adamlarına toqundı.
XS
SM
MD
LG