Qırım ressamı, qum animatsiyasınıñ ustası Kseniya Simonova America's Got Talent yarışınıñ finalına keçti. Bu aqta amerikan istidatlar yarışınıñ Facebook saifesinde bildirile.
Simonova, tuvğanlarına sevgi ve aile degerlikleri aqqında qum animatsiyasını numayış etti.
Daa evel öz Facebook saifesinde Simonova, yerli milliy istidat yarışlarınıñ 50 ğalibi iştirak etken, amerikan şouda çıqışta bulunacağını yazğan edi. Yayınnıñ er efirinde alıpbarıcı ya da jüri azaları finalğa keçken eki iştirakçiden birisini saylay.
“Bütün efirge bir dögme. Onı eñ begengen iştirakçi çıqışta bulunğanda basalar. Soñ onıñ üstüne “altın yağmur” yağa. Böyle şey yalıñız America's Got Talent yarışında bar, ğaliba”, - dey Simonova.
Kseniya Simonova – qum animatsiyasınınñ ustası, «Ukraina maye talant-2009» yarışınıñ ğalibi, «Minuta slavı-2010» Rusiye yarışınıñ finalisti. 2010 senesi «Qırım Muhtar Cumhuriyetiyeniñ nam qazanğan ressamı», 2013 senesi – «Ukrainanıñ nam qazanğan medeniyet erbabı» unvanlarınıñ saibi oldı.
