Qırımtatar tilinde çıqqan «Qırım» gazetasınıñ faaliyeti toqtatıla bile.
Bunı Qırım.Aqiqat saytına gazetanıñ baş muarriri Bekir Mamut bildirdi.
Onıñ sözlerine köre, yılnıñ başından, Qırım «akimiyetiniñ» vadelerine baqmadan, gazetağa bücetten bir kapik bile kelmedi.
«Akimiyet» tarafından milliy matbuat vastalarğa kösterilgen munasebet şaşırta, – dey neşirniñ baş muarriri. – Qırımnıñ matbuat «naziri» Dmitriy Polonskiy bizim ve diger qırımtatar neşirleriniñ maliye destegini Milletler işleri boyunca cumhuriyet komitetine yükletmege istey. İyül 7 künü gazetamızğa 25 yıl ola, amma gazeta bu vaqıtnı köreceginde emin degilim».
Bekir Mamutnıñ sözlerine binayen, «akimiyet»niñ qararı ile «Qırım» gazetasınıñ bücetini 40% azlaştırdılar, şimdi oña yılda 700 biñ ruble ayırılmalı.
Bunıñ ile, al-azırda gazeta basılğan «Tavrida» basmahanesi ögünde borcnıñ miqdarı 300 biñ rubleni teşkil ete.
«Evel olğanı kibi, aftada eki kere çıqmaq yerinde, biz tek bir kere çıqamız. Soñ vaqıtları böyle etip işleymiz. Kâğıtnı öz paramızğa satın alamız», – tarif etti gazetanıñ baş muarriri.
Onıñ aytqanı kibi, neşirniñ hadimleri aşğariy aylıqnı abunecilerniñ esabından ala.
«Qırım» mustaqil içtimaiy-siyasiy gazetası Aqmescitte 1989 senesi iyül ayından neşir etile. Şimdilik onıñ tirajı 3200 nushadır.
Gazetada Qırımda yekâne olğan «Qırım qarayları» serlevalı Qırımnıñ ğayıp olayatqan tamır halqınıñ destegine er aylıq ilâvesi basıla.
Bunı Qırım.Aqiqat saytına gazetanıñ baş muarriri Bekir Mamut bildirdi.
Onıñ sözlerine köre, yılnıñ başından, Qırım «akimiyetiniñ» vadelerine baqmadan, gazetağa bücetten bir kapik bile kelmedi.
«Akimiyet» tarafından milliy matbuat vastalarğa kösterilgen munasebet şaşırta, – dey neşirniñ baş muarriri. – Qırımnıñ matbuat «naziri» Dmitriy Polonskiy bizim ve diger qırımtatar neşirleriniñ maliye destegini Milletler işleri boyunca cumhuriyet komitetine yükletmege istey. İyül 7 künü gazetamızğa 25 yıl ola, amma gazeta bu vaqıtnı köreceginde emin degilim».
Bekir Mamutnıñ sözlerine binayen, «akimiyet»niñ qararı ile «Qırım» gazetasınıñ bücetini 40% azlaştırdılar, şimdi oña yılda 700 biñ ruble ayırılmalı.
Bunıñ ile, al-azırda gazeta basılğan «Tavrida» basmahanesi ögünde borcnıñ miqdarı 300 biñ rubleni teşkil ete.
«Evel olğanı kibi, aftada eki kere çıqmaq yerinde, biz tek bir kere çıqamız. Soñ vaqıtları böyle etip işleymiz. Kâğıtnı öz paramızğa satın alamız», – tarif etti gazetanıñ baş muarriri.
Onıñ aytqanı kibi, neşirniñ hadimleri aşğariy aylıqnı abunecilerniñ esabından ala.
«Qırım» mustaqil içtimaiy-siyasiy gazetası Aqmescitte 1989 senesi iyül ayından neşir etile. Şimdilik onıñ tirajı 3200 nushadır.
Gazetada Qırımda yekâne olğan «Qırım qarayları» serlevalı Qırımnıñ ğayıp olayatqan tamır halqınıñ destegine er aylıq ilâvesi basıla.
