Qırım «prokuraturası» Meclis azası Riza Şevkiyevni Meclis binasında Ukraina devlet bayrağını asqanı içün resmiy şekilde tenbiyeledi. Prokuratura Rusiyeniñ «Ekstremizm faaliyetine qarşılıq aqqında» qanunını bozmağa olmay, dep tenbiyeledi. Bunı BBC Ukraina haber ete.
Riza Şevkiyev Meclis binası ait olğan «Qırım» hayriye fondunıñ müdiri ola. Riza Şevkiyevniñ BBC Ukrainağa bergen malümatlarına köre, oña Qırım «prokurorı vazifelerini eda etken», Ukrainada qıdıruvda olğan Natalya Poklonskayanıñ imzasınen resmiy mektüp keldi.
Mektüpte qayd etilgeni kibi, Ukraina bayrağı «içtimaiy, milliy dava doğurmaq maqsadınen asıldı ve qanunsız teşviqat ola».
Aprel 21-de «Qırım halq imayesiniñ» vekilleri Qırımtatar Milliy Meclisi binasından Ukraina bayrağını alıp taşladılar. Birazdan Meclis hadimleri bayraqnı yerine qaytardılar. Mustafa Cemilev ise Qırımda olayatqanlarnı «faşist üslübindeki demokratiya» olaraq adlandırdı.
Riza Şevkiyev Meclis binası ait olğan «Qırım» hayriye fondunıñ müdiri ola. Riza Şevkiyevniñ BBC Ukrainağa bergen malümatlarına köre, oña Qırım «prokurorı vazifelerini eda etken», Ukrainada qıdıruvda olğan Natalya Poklonskayanıñ imzasınen resmiy mektüp keldi.
Mektüpte qayd etilgeni kibi, Ukraina bayrağı «içtimaiy, milliy dava doğurmaq maqsadınen asıldı ve qanunsız teşviqat ola».
Aprel 21-de «Qırım halq imayesiniñ» vekilleri Qırımtatar Milliy Meclisi binasından Ukraina bayrağını alıp taşladılar. Birazdan Meclis hadimleri bayraqnı yerine qaytardılar. Mustafa Cemilev ise Qırımda olayatqanlarnı «faşist üslübindeki demokratiya» olaraq adlandırdı.
