Link açıqlığı

Qırım prokuraturası Kolomoyskiy ve Sençenko mülkiyeti ile oğraşmağa başladı


Qırım «prokuraturası» bir sıra ukrain iş adamlarına, şu cümleden Dnepropetrovsk vilâyet devlet memuriyetiniñ başı İgor Kolomoyskiy ve Ukraina prezidenti memuriyetiniñ başı muaivini vazifelerini eda etken Andriy Sençenkoğa ait olğan şirketlerniñ saipleştirüv teşkerüvlerine başladı.

Bunı bugün öz başına tayin etilgen Qırım «baş naziri» Sergey Aksönov bildirdi, dep haber ete İnterfaks.

O şunı da qayd etti ki, Qırım «yolbaşçılığı» mahkemeniñ mütenasip qararı olmadan, ukrain iş adamlarınıñ obyektleri boyunca nasıldır bir avale çıqarmaуcaq ve «Ukraina Yuqarı Şurasınıñ deputatı Оleg Tsarevniñ izini olmağan vaqıtta, qaçaqlarnı onıñ evinde yerleştirgen Dnepropetrovsk vilâyetiniñ akimiyeti ketken yoluna adım atmaycaq».

Hatırlatamız, bugün Aksönov cumhuriyetniñ «Sağlıq saqlav» yolbaşçılığından ve Aqmescit hastahaneleriniñ baş ekimlerinden istifa aqqında arizalarnı yazmağa talap etti.
XS
SM
MD
LG