Qırım işğaliniñ başından berli ukrayin uquq qoruyıcıları devlet hainliginen bağlı 708 cinayetnen bağlı 585 cinaiy davanıñ tahqiqatını keçirdi. Bunı Qırım Muhtar Cumhuriyeti prokuraturasınıñ matbuat hızmeti bildire.
''2014 senesi yarımada Rusiye silâlı quvetleri tarafından işğal etilgen soñ, muhtariyetniñ uquq qoruyıcı organları devlet hainligi (madde 79) boyunca 708 cinaiy işni taqiq etti'', - dep yazıla haberde.
Bunen beraber, mahkemege 375 qabaatlav aktı yollanıldı, devlet hainliginde şübheli sayılğan 770 insanğa haber etildi.
Qırımda yaşağan devlet hainlerine 68 üküm çıqarıldı. Mahküm etilgenler arasında - Qırım MC Yuqarı Şurasınıñ ve Sevastopol şeer şurasınıñ sabıq deputatları, mahkemeciler, prokurorlar, em de Qırım Cumhuriyetiniñ işğalci sağlıq saqlav naziri.
Ukrayina prezidentiniñ Qırım Muhtar Cumhuriyetindeki temsilcisi Tamila Taşeva bildirdi ki, "Qırımnıñ işğalden azat etilmesinden soñ Ukrayinanıñ esas vazifelerinden biri - yarımadanıñ Rusiye tarafından işğaline yardım etkenlerni tapmaq ve mesüliyetke çekmek olacaq". Onıñ aytqanına köre, insanlıqqa qarşı cinayetlerni ve arbiy cinayetlerni yapqanlar, insan aqlarını bozğanlar ve genotsid kibi tanılğan cinayetlerni yapqanlar mesüliyetke çekilmeli.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
