Link açıqlığı

Qırımtatar milliy Meclis reisi Refat Çubarovnıñ advokatı Teyfuk Gafarov «ekstremist faaliyetiniñ musaadesizligi aqqında» tenbiyeniñ kopiyasını elde etip olamadı. İşbu qararnı tünevin aqşam Qırım «prokurorı» Natalya Poklonskaya seslendirdi.

Avdokatnıñ Qırım.Aqiqatqa bergen malümatına köre, Cumhuriyet prokuraturasında advokat añlaşmasınıñ astında olğan imza Refat Çubarovğa ait olmağanına esaslanıp, oña bu vesiqanı bermediler.

Nezaret müessisede Mecilis reisine öz başına kelip, vesiqanı elde etmege tevsiye ettiler. Aks alda tenbiyege mahkemede itiraz bildirmege imkân olmaz, dep aytı Gafarov.

«Refat Çubarov menim ile advokat añlaşmanı imzaladı. Çubarovğa öz başına Prokuraturağa kelmege tevsiye etildi. Böyle qarar ne ile bağlı olğanını aytıp olamam», – dedi Gafarov.

Qırım «prokurorı» Natalya Poklonskaya aqşam Meclis reisi Refat Çubarovğa «ekstremist faaliyetiniñ musaadesizligi aqqında» tenbiyeni oqudı. Ve eger de o, buña riayet etmese, Meclis dağıtalacaq, onıñ faaliyeti ise yasaq olacağı aqqında bildirdi. «Prokuror» Çubarov bu tenbiyege mahkemede itiraz bildire bilecegini de ayttı, faqat vesiqanıñ kopiyasını bermege razı olmadı.
XS
SM
MD
LG